Turmush — Ош шаарында 15 жаштагы өспүрүмдү унаа сүзүп кетти. Бул тууралуу Ош ШИИБдин басма сөз кызматы билдирди.
Маалыматка караганда, окуя 2026-жылдын 21-апрелинде болжол менен саат 21:30 чамасында Абсамат Масалиев көчөсүндө болгон.
Өзгөн шаарынын 2000-жылы туулган тургуну У.М.Э. өзүнө таандык сол рулдуу «Chevrolet Spark» үлгүсүндөгү унааны башкарып бара жатып, А.Масалиев көчөсү менен Р.Абдыкадыров көчөсүнүн кесилишиндеги жөө жүргүнчүлөр өтүүчү жерден өтүп бара жаткан Кара-Суу районунун 2011-жылы туулган тургуну М.Т.Д.ны сүзүп кеткен.
Натыйжада өспүрүм денесинен жараат алып, Ош облустук балдар ооруканасына кайрылган. Абалы жакшы болгондуктан, ошол эле күнү үйүнө чыгарылган.
Бул факт Ош ШИИБдин электрондук маалыматтарды каттоо журналына катталып, текшерүү иштери башталган.
Анын жүрүшүндө жабырлануучунун чоң атасы айдоочуга карата арыз жазуудан баш тартып, эч кандай доосу жок экенин билдирген. Тараптар өз ара келишип алышкан.
Учурда текшерүү иштери уланууда.