Бөлүмдөр
Шаршемби, 11-декабрь
Нарын облусуАк-Талаа району 25.11.2019 09:57

Ак-Талаада мамлекеттик мекемелерде иштеген кыз-келиндер волейболдо таймашты

Turmush -  Нарын облусунун Ак-Талаа районунун Баетов айылында «Кыймыл-аракет жүрөккө күч-кубат берет» деген ураандын алдында кыз-келиндер арасында спорттук мелдеш өткөрүлгөнүн спорт инструктору Улан Догдурбек уулу аймактык кабарчыга билдирди.

Маалым болгондой, кечээ, 24-ноябрда мекеме-ишканаларда иштеген кыз-келиндер арасында спорттун волейбол түрү боюнча мелдеш өткөрүлүп, жеңүүчүлөр аныкталган.

Спорттук мелдешти райондук ден соолукту чыңдоо борбору менен спорт инструктору биргеликте уюштуруп, мелдешке жергиликтүү жеке ишкерлер демөөрчүлүк кылышты. Мелдештин соңунда 1-орунду аялдар кеңешинин командасы, 2-орунду Баетов айылынын Шүкүрбек Бейшеналиев атындагы орто мектебинин командасы, ал эми 3-орунду Терек айылынын Калый Молдобасанов атындагы орто мектебинин командасы жеңип алды. Жеңүүчүлөргө акчалай сыйлыктар, дипломдор жана баалуу белектер тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×