Бөлүмдөр
Шаршемби, 17-октябрь
Нарын облусу, Нарын 09.08.2018 09:37

Нарын облусундагы мектептерге видеокөзөмөл орнотулууда (сүрөт)

Turmush -  Мектеп окуучулар арасында кылмыштуулукту азайтуу жана алдын алуу максатында 1-сентябрга карата Нарын облусунун бардык мектептерине видеокөзөмөл орнотулат. Бул тууралуу аймактык кабарчыга өкмөттүн Нарын облусундагы ыйгарым укуктуу өкүлүнүн орун басары Жаркын Ибраева билдирди.

Анын айтымында, 2017-жылдын 1-декабрына чейин облустун аймагындагы мектептерге 331 видеокөзөмөл коюлса, 2018-жылы 1-августтагы жыйынтык боюнча 443 видеокөзөмөл орнотулган.

«Мектептердеги окуучулардын арасындагы кылмыштуулуктун алдын алуу жана рэкетчиликти жоюу максатында ар бир мектепке видеокөзөмөл коюлууда. Бул боюнча облустун бардык мектептерине тапшырмалар берилген. 1-сентябрда бардык мектеп видеокөзөмөл менен камсыз болот. Буга чейин 1-августка карата жалпы 443 видеокөзөмөл коюлган. Ошондой эле жол кырсыктын алдын алуу максатында мектептердин жанына жол белгилерин жана жол чырак орнотуу иштери жүрүүдө», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×