Бөлүмдөр
Бейшемби, 24-январь
Нарын облусуАт-Башы району 12.06.2018 20:28

Жаш талант: 12 жаштагы бийчи Алия тойлордо өнөрүн көрсөтүп каражат табууда (фото)

Turmush -  Ат-Башы районуна караштуу Ат-Башы айылынын тургуну Алия Замирбек кызы 7 жашынан бери бий ийримине барып, көптөгөн сынактарга катышып жана тойлордо бийлеп келет. Аны менен аймактык кабарчы таанышты.

Жаш таланттын айтымында, бийге 7 жашынан тарта бара баштаган.

«Мен бийлөөгө абдан кызыгып, 7 жашымдан бери айылыбыздагы К.Кожоев атындагы балдар билим берүү борборунда Фарида эжеден билим алып келем. Учурда 12 кыздан түзүлгөн "Маржан" бий тобунун мүчөсүмүн. Бизди атайын чакыруулар менен чакырышып, концерттик чоң иш-чаралардын ачылышында жана тойлордо бийлеп, каражат табуудамын. Мектептен да иш-чараларда бийлеп, комузда кол ойнотуп, ырдап келем. Ошондой эле 2 жылдан бери талантым менен сынактарга катышып, байгелүү орундарды алып жатам.

Бош убактымда сүрөт тартууга абдан кызыгып сүрөт тартам жана көп китеп окуйм», - деди ал.

Алия үй-бүлөдө 4 бир туугандын экинчиси. Ал айылдагы Карыбек уулу Акматаалы орто мектебинин 5-классын аяктады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×