Бөлүмдөр
Бейшемби, 18-октябрь
Нарын облусуАт-Башы району 16.05.2018 17:02

Ат-Башыда оңдоодон өткөн Таш-Рабат суу каналынын ачылышы өттү (фото)

Turmush -  Нарын облусунун Ат-Башы районундагы оңдоп-түзөө иштеринен өткөн Таш-Рабат суу каналынын ачылышы Австралия мамлекетинин Москвадагы элчисинин орун басарынын катышуусунда өттү. Бул тууралуу аймактык кабарчы билдирди.

Маалым болгондой, бүгүн, 16-майда өткөн ачылыш аземге Австралия мамлекетинин Москвадагы элчисинин орун басары Жилл Коллинс, өкмөттүн Нарын облусундагы ыйгарым укуктуу өкүлүнүн биринчи орун басары Касен Асизов, Ат-Башы районунун акими Жакып Субакожоев катышты.

Ат-Башы районунун суу башкармалыгынын башчысы Жолдошбек Мусаев Таш-Рабат суу каналы 1986-жылы курулгандыгын билдирди.

«Таш-Рабат суу каналын калыбына келтирүү жумуштары Австралия мамлекетинин Москвадагы элчилиги тарабынан каржыланып, демөөрчүлөр тарабынан ишке ашырылды. Долбоорлордун жалпы суммасы 3 млн 130 миң 588 сом, Австралиянын салымы 1 млн 989 миң 910 сом, Ат-Башы райондук суу чарба башкармалыгынын өздүк салымы 1 млн 140 миң 678 сомду түздү.

Таш-Рабат каналынан чыккан сугат суу Казыбек, Ак-Талаа жана Кара-Суу айылындагы 1638 гектар айдоо аянтын суу менен камсыз кылууда. Таш-Рабат каналынын 900 метр участогу оңдолуп, резиналары алмаштырылган. Ошондой эле каналдын Кара-Коюн сайынан 60 метр суунун нугун буруучу дамба курулуп, габиондук сетка төшөлгөн. Мындан сырткары туурасы 80 см, узундугу 64 метр суу өткөрүүчү түтүк орнотулган», - деди Ж.Мусаев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×