Бөлүмдөр
Бейшемби, 18-октябрь
Нарын облусуКочкор району 04.05.2018 10:51

Кочкордо согуштун ардагери Ж.Акматов 96 жашында дүйнө салды (фото)

Turmush -  Улуу Ата Мекендик согуштун ардагери, Теңдик айылынын тургуну Жумадил Акматов 96 жашында дүйнө салды.

Жумадил Акматов 1922-жылы Теңдик айылында бай-манаптын үй-бүлөсүндө туулган. Айылдагы Калинин атындагы орто мектебине кирип, 1937-жылы 5-классты аяктаган. 1938-1941-жылдары Кочкор районунун комсомол уюмунун секретары болуп иштеген.

1941-жылы 25-октябрда аскерге чакырылып, 1942-жылдын февраль айына чейин Орто-Токойдо аскердик машыгуудан өткөн. Андан соң, бир ай Алматанын Таштак деген аянтчасында бир айлык машыгуудан өткөн. 1942-жылдын март айында Ыраакы Чыгышка курал-жарак алып келүүгө жөнөтүлгөн. Ал тапшырманы ийгиликтүү аткарган соң апрель айында Воронеж шаарын коргоого жөнөтүлгөн.

Жумадил Акматов 1942-жылы август айында Сталинграддагы салгылашууда контузия алып, Туладагы госпиталда дарыланган. Кайрадан согушка кирип, 1943-жылы май айында оорусу күчөгөндүгүнө байланыштуу кайтып келген.

Согуштан кийинки жылдарда Талаа-Булак айылында селсоветтин төрагасы, Көк-Жарда, Соң-Көл, Теңдик колхоздорунда агроном болуп эмгектенген. 1960-жылы оорусуна байланыштуу 1-топтогу майып болуп эс алууга чыккан. Согуштагы эрдиктери үчүн « Жуков» медалы, «Каармандыгы үчүн» медалы, «Улуу Ата Мекендик согуштун» 1-2-даражадагы ордендери, юблейлик медалдар менен сыйланды.

Жумадил Акматов эки уулдун атасы. Анын сөөгү бүгүн, 4-майда жерге берилет.

Кочкордо азыр согуштун эки катышуучусу бар. Алар — Кош-Дөбө айыл аймагынан Токтомуш Акматов, Теңдик айылынан Нуркожо Исабаев.

Тема боюнча: Ак-Талаадагы согуштун жалгыз ардагери А.Баатырбеков 93 жашында дүйнө салды (видео, фото)

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×