Бөлүмдөр
Жума, 19-октябрь
Нарын облусуАк-Талаа району 07.02.2018 11:42

Ак-Талаадагы кеңешмеде аймактык оорукананын башчысынын кызматтык абалын кароо сунушталды (фото, видео)

Turmush -  Нарын облусунун Ак-Талаа районунда 2017-жыл ичинде ыймыркайлардан тартып өспүрүм жашка чейинки балдардын өлүмү кескин түрдө көбөйгөндүгү тууралуу райондук саламаттыкты сактоо боюнча координациялык кеңешме өттү, деп билдирди аймактык кабарчы.

Кечээ, 6-февраль күнү аталган маселе боюнча өткөрүлгөн отурумга акимдин орун басарлары Абдымалик Сулайманов, Жылдыз Мамбетова, райондук аймактык ооруканасынын башчысы Догдурбек Бектуров, үй-бүлөлүк дарыгерлер борборунун башчысы Айгүл Капарова, айыл өкмөт башчылары, айылдык фельдшердик-акушердик пункттардын кызматкерлери катышты.

Кеңешменин отурумунда балдардын өлүмүнүн себептери, саламаттыкты сактоо кызматкерлеринин ишмердүүлүгү, чарба иштеринин уюштуруулусу боюнча катуу сын-пикирлер айтылды. Ошондой эле, 2018-жылдын январь айына карата жугуштуу оорулар тууралуу очеттук маалыматтар берилип, райондук саламаттыкты сактоо боюнча координациялык комиссиясы тарабынан аймактык оорукананын башчысы Догдурбек Бектуровдун жана үй-бүлөлүк дарыгерлер борборунун башчысы Айгүл Капарованын кызматтык абалын кароо боюнча Саламаттыкты сактоо министрлигине сунуш жиберүү жагы белгиленди. Андан сырткары, Тоголок Молдо айылдык ФАПтын жетекчиси Н.Шакированын кызматтык абалын кароо, Жаңы-Талап айыл аймагындагы ФАПтын жетекчиси А.Чодоновага жана Кара-Бүргөн айылдык ФАПтын жетекчиси Г.Айтбаевага катуу сөгүш берүү үй-бүлөлүк дарыгерлер борборунун башчысы А.Капаровага милдеттендирилди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×