Бөлүмдөр
Бейшемби, 21-июнь
Нарын

Ак-Талаада футболчу Даниярдын жаркын элесине арналган спорттук мелдеш уюштурулду (фото)

Turmush -  Ак-Талаа районунун Баетов айылында футболчу Данияр Айтбай уулунун жаркын элесине арналган  кичи футбол жана аркан тартыш боюнча мелдеш өткөрүлгөндүгүн аймактык кабарчы билдирди.

Маалым болгондой, 7-октябрда өткөн спорттук мелдешти анын 1988-жылы туулган достору уюштурушту. Мелдештин жалпы байге фондусу 25 миң сомду түздү.

Кичи футболго жалпы 12 команда катышып, анын жыйынтыгында 1-орунду 1998-жылы туулган жигиттер камсыздап, кубокту жеңип алышса, 2-орунду 1994-жылы туулган жигиттер, ал эми 3-орунду 1988-жылы туулган жигиттер камсыздашты.

Андан сырткары, «Мыкты оюнчу» наамы Айбек Кадыркуловго, «Мыкты дарбазачы» наамы Айбек Жокеновго, «Мыкты команда» наамы 1986-жылы туулган жигиттерге, «Мыкты коргоочу» наамы Урмат Билимбек уулуна жана «Мыкты чабуулчу» наамы Бек Рысбековго ыйгарылды.

Ал эми, аркан тартыш боюнча 1-орунду 1988-жылкы жигиттер, 2-орунду 1994-жылкы жигиттер жана 3-орунду 1986-жылкы жигиттер багындырышты. Жеңүүчүлөргө акчалай сыйлыктар, дипломдор, баалуу белектер тапшырылды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1839
Көп окулду
×