Бөлүмдөр
Ишемби, 16-декабрь
69.75    82.48    1.19    KZT 0.21
Нарын

Кочкордун Кум-Дөбө айылында 50 миң евролук музей куруу пландалып жатат (фото)

Turmush -  Кочкордун Кум-Дөбө айылына француздар 50 миң евролук музей курууну пландаштырып жатышат. Бул тууралуу Turmush басылмасынын кабарчысына Кум-Дөбө айылынын тарых изилдөөчүсү Кайырбек Коңурбаев билдирди.

Маалым болгондой, музей куруу тууралуу француздар Кум-Дөбөдөгү орто кылымга таандык жер алдындагы шаардын ордун жана Кайырбек Коңурбаевдин үй музейин көргөндө айтышкан.

К.Коңурбаев айылдагы айдоо жерлерден табылган артефактыларды, бышкан кыштан салынган жер астындагы шаардагы имараттардын калдыктарын кырк жыл бою өз алдынча изилдеп, жер үстүнө чыгып калган тарыхый табылгаларды чогултуп. үйүнө музей ачкан. Эгерде француздар тарабынан музей курулса, анда К.Коңурбаевдин чогулткан экспонаттары жайгаштырылат.

Тарых изилдөөчү 1948-жылы Кум-Дөбө айылында туулуп, Бишкек шаарындагы №1 кесиптик окуу жайдан киномеханик кесибин алган. Чарбада киномеханик жана башка кызматтарда иштеп жүрүп, 1996-жылы ардактуу эс алууга чыккан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1584
Комментарии
Обсуждения закрыты
Көп окулду
×